​ថ្មីៗ​នេះ ​គេ​ប្រទៈ​ឃើញ​រូបភាព render ​ប្លែក​មួយ​ទៀត​ពី(@OnLeaks) បានឲ្យដឹងថា ​ស្មាតហ្វូន Galaxy Note 10 អាចនឹង​បង្កប់​កាមេរ៉ា​បញ្ឈរ ៤ ​គ្រាប់​ឯ​ពណ៌​មាន​ជម្រើស ៦ ពណ៌។

​រំឭក​ថា Samsung ត្រូវ​បាន​គេ​ដឹង​ថា​រំពឹង​នឹង​ចេញ​ផ្សាយ Note 10 នា​អំឡុង​ខែ​សីហា ​ដោយ​មាន​ការ​បំពាក់​នូវ​បន្ទះ​ឈីប​ជំនាន់​ក្រោយ​ផ្សេង​ទៀត Exynos 9825 ឈរ​លើ​ឈីប Exynos 9820 កំពុង​មាន​ប្រើ​ក្នុង Galaxy S10។ Galaxy Note 10 ​រំពឹង​ចោះ​រន្ធ​កណ្ដាល​មួយ អម​អេក្រង់​កោង​ខ្លាំង​ពុំ​ធ្លាប់​មាន​ពី​មុន​មក។

ការ​ចេញ​លក់​ផ្លូវការ​ក៏​ទំនង​ជា​ធ្វើ​ក្រោយ​ការ​ប្រកាស​រយៈ​ពេល​ជាង​មួយ​ខែ ពោល​គឺ​អាច​ឈាន​ដល់​ដើម​ខែ​កញ្ញា មុន​ថ្ងៃ​ចេញ​ផ្សាយ iPhone សេរ៊ី​ឆ្នាំ ២០១៩ របស់​គូ​ប្រជែង Apple៕