ផ្លែផាសិន មានដើមកំណើតមកពីប្រទេស ប្រេស៊ីល ព្រោះទឹកផ្លែផាសិននេះមានវីតាមីនច្រើនមានក្លិនប្រអូបឈ្ងុយ បំភាយក្លិនចេក ក្រូច ម្នាស់ និងផ្លែឈើជាច្រើនទៀត ទើបត្រូវបានគេហៅថា “ស្តេចទឹកផ្លែឈើ”។ ផ្លែផាសិននេះ ផ្តល់អត្ថប្រយោជន៍ជាច្រើនដូចជា: -បំបាត់ការឈឺបំពង់ក៖ អាចហៅបានថាជាថ្នាំ ដែលជួយបំបាត់អាការះក្អក បញ្ចុះកម្តៅ និងការឈឺចុកចាប់។ ពុះផ្លែផាសិនជា២រួចកាយយកបណ្តូលរួចបន្ថែមទឹកឃ្មុំចូលរួចកូររហូតដល់ទឹកឡើងក្តៅអ៊ុនៗជាការស្រេច អាចធ្វើអោយបំពង់កមានសំណើម។
-ធ្វើអោយក្រពះរំលាយអាហារបានល្អ៖ ជួយកំចាត់មេរោគ និងសំអាតក្រពះ។ វីតាមីនដែលនៅក្នុងផ្លែផាសិន អាចជំរុញអោយបញ្ចេញចោល និងសំអាតសារធាតុជាប់ស្អិតដែលមាននៅក្នុងពោះវៀនតូច ប៉ុន្តែមិនមានផលប៉ះពាល់អ្វីដល់ជញ្ជាំងពោះវៀនតូចទេ ហើយថែមទាំងអាចការពារអ្នកពីការដុះសាច់ថែមទៀតផង។
-ជួយឲ្យសម្ពាធឈាមថយចុះ៖ ផ្លែផាសិនសំបូរទៅដោយប្រូតេអ៊ីន និងជួយកាត់បន្ថយជាតិខ្លាញ់និងសម្ពាធ សាកសមសម្រាប់អ្នកដែលមានសម្ពាធឈាមខ្ពស់បរិភោគវា។ ចំពោះការបញ្ចុះសម្ពាធបេះដូងមានប្រយោជន៍ដែលបង្ហាញឲ្យឃើញច្បាស់តែម្តង។
-ជួយនារីឲ្យមានសម្រស់ក្មេងជាងវ័យ៖ ផ្លែឈើនេះជួយបង្កើតគ្រាប់ឈាម ស្ករក្រហមអាចជួយប៉ូវឈាម ពីរមុខនេះរួមតែមួយមានអត្ថប្រយោជន៍ខ្ពស់ពេលដែលនារីពិសារភេសជ្ជះ នេះធ្វើឲ្យមានសុខភាពល្អ ដោយគ្រាន់តែប្រើទឹកស្អាតដាំឲ្យក្តៅរួចដាក់ផ្លែផាសិនចូលហើយបង់ស្ករក្រហមទៅតាមចំណង់ចំណូលចិត្ត។
-ជួយបន្សាបស្រា៖ ផាសិន ចេក ទឹកដោះគោ អាចជួយបន្សាបស្រាដោយគ្រាន់តែដាក់ផ្លែផាសិន ចេក និងទឹកដោះគោចូលក្នុងម៉ាស៊ីនទឹកក្រឡុកជាការស្រេចចំពោះអ្នកដែលចូលចិត្តផឹកស្រា អាចជួយឲស្វាងស្រាបានភ្លាមៗ។
-ធ្វើអោយមានរាងស្អាត៖ អាចបន្ថែមចំណង់ក្រពះ កាត់បន្ថយជាតិក្តៅដែលចូលរួមហើយអាចជួយស្រូបកាឡូរី ញុំារយៈពេលយូរអាចជួយផ្លាស់ប្តូរការស្រូប វីតាមីនរបស់សារពាង្គកាយ បន្ថយជាតិខ្លាញ់ ប្រែទៅជារាងកាយដែលមានសុខភាពល្អស្រស់ស្អាត។